على سبيل الفضفه من منكم اسوء حظاً مني ؟

وعيت على فكرة الاسهم والاستثمار والاكتتابات والتداول لكن ماكنت اعرف الطريقه وفتح الحساب الاستثماري والتداول وانا لسى باول سنه في الجامعه جانا النت بالسعوديه عام 2001م كانت المصادر شبه معدومه والانترنت غالي الساعه بـ 3 ريال كنت افتح صفحات كثيره ولما يكتمل فتحها اقفل النت هههههههههه اقرأ واقرأ كالحمار يحمل اسفارا المهم تعبت على ماعرفة ان بنك سامبا الي اندمج مع البنك الامريكي وقتها هو افضل بنك في تقديم خدمة التداول عن طريق الانترنت لكن واجهتني عقبه باول الطريق لازم 50000 ريال عشان افتح محفظة ليتني ماحصلت احد يقرضني هالمبلغ ليتني ما ادمنت المجال والخساره بعد فتح الحساب كنت من اواخر الدبابيج الي يدربون روسهم ويحلمون بالثراء ويدخلون سوق الاسهم السعودي دخلته في في ثورته ما امداني احط الفلوس الا وتنطط اي سهم اختاره وانا مغمض يطير اسهر احلل مصدق نفسي هالسهم وذاك السهم ومؤشرات المغفلين هذا اشارته كذا وهذي مقاومه وهذا دعم وهذي موجه وهذي شموع ومؤشرات الكميات وانا سبيكه اصلي مصدقه احسبها تعطيني المستقبل والقادم ما دريت انها مثل تحليل المباريات اذا انتهت النتيجه يتم تحليلها على ضوء نتيجتها مؤشرات مصنوعه لصنع مبرر لشيء صار وخلص مؤشر يقولك انا موجود بس هاه وقف ترا يمكن اسوي كذا او اسوي كذا ويمكن اكون نايم وقتها وما اشوف شيء عادة هالمؤشرات في الارتفاعات مثل الصديق الوفي كلها وراك تسندك لين تثق فيها وبعد مايجي النزول ماتحصل مؤشر يوقف معك كل مؤشر يقولك مالي شغل ارجع للشارت كنت اقولك بنرتفع ورفعتك وانا ارفعك قلت لك ترا يمكن يمكن مانرتفع واذا رجعت للشارت لقيت المؤشرات كضيوف الشرف موجودين بالاحتمالات واذا كبرت الصوره شوي بتحصل كل الاسهم كانت ترتفع باختلاف اسعارها ومجالاتها وطريقة تداولها وان المؤشرات موجوده بكل الشارتات كالكائنات الطفيليه تترزق عاد كله كوم والفيبو كوم ثاني اكثر شيء يضحكني ان الفيبو يقول انا صاحب مصداقيه اكثر من غيري انا املك النسبة الذهبيه وكاشخ بالبشت لما تقوله عطني اكبر ميزه فيك ؟ رد شيخ الفلس وقال انت تدري ايه المتداول المغفل الكالح الغير فالح اني اتواج بالهبوط والصعود واغطي نصف المشوار دائماً تروح 100% بترجع لي 50% غصب قلت له المشكله في تحديد بداية المشوار ونهايته يا كم من واحد دخل يحسبها نهاية المشوار طمعاً في تغطيت نص المشوار 50% لكن نهاية المشوار تتغير مره مشوار قصير مره طويل مره وسط الفيبو مثل .... تعبت بكمل بكره هههههههههههه